Алматы облысында көлік аялдамаға соғылып, екі адам көз жұмды

13 маусымда жеңіл автокөлік Өтеген батыр ауылындағы автобус аялдамасына соғылды. Жол апатынан бір жолаушы оқиға орнында қаза тапты. Ал жүргізуші ауруханада көз жұмды, деп хабарлайды Orda.kz.

Алматы облысының полиция департаменті бұл жол апаты бойынша қылмыстық іс қозғалып, тергеу басталғанын хабарлады.

«BMW-323 автокөлігінің жүргізушісі Өтеген батыр ауылының Жансүгіров көшесінің бойымен келе жатып, көлікті басқара алмай жоғалтып, автобус аялдамасына соғылған. Жол апатынан бір жолаушы оқиға орнында тіл тартпай, көз жұмды. Жүргізуші есін жинап үлгерместен аурухананың жан сақтау бөлімінде қайтыс болды. Тағы бір жолаушы әртүрлі жарақат алған. Қазір ол ауруханаға жатқызылды»,  деп мәлімдеді облыстық полиция басқармасы.

Еске сала кетсек, бұған дейін 12 маусымда Атырау облысында орналасқан Құлсары қаласында қоғамдық көлік жол апатына ұшыраған еді. Апаттан алты адам жарақат алып, ауруханаға жеткізілді.