Аляскадағы келіссөздер: Путин мен Трамп Анкориджте кездесті

Трамптың президенттік бортынан кейін РФ басшысының ұшағы Аляскаға қонды, деп хабарлайды Orda.kz.

Екі елдің басшылары бір мезгілде өз ұшақтарынан шықты.

Дональд Трамп Ресей Федерациясының басшысын қызыл кілемде қарсы алды. Президенттер жылы қол алысты. Қысқа әңгімелесуден және бірлескен фотосессиядан кейін олар бір автокөлікпен келіссөздерге аттанды.

Әуежайда журналистер Путинге «қатардағы азаматтарды өлтіру» қашан тоқтатылады және «оқ атуды тоқтатуға келісе ме» деген сұрақтар қойды. Алайда ол сұрақтар жауапсыз қалды.

Ресей мен АҚШ Президенттері Элмендорф-Ричардсон әскери базасында кездесті. Кездесудің қауіпсіздігін жүздеген күш құрылымдары, бронетехника мен мергендер қамтамасыз етті.

Делегациялар Трампқа Марко Рубио мен Стив Уиткофф қосылатын «үшке үшке» форматында келіссөздер жүргізеді. Ресей тарапынан Сергей Лавров пен Юрий Ушаков болады.

Кездесудің басты тақырыбы - «Бейбітшілікке ұмтылу»  аясында Украинадағы қақтығысты реттеу туралы болды.