Ақтаудағы апат: Құтқарушылардың шұғыл әрекеті

Ақтау маңындағы ұшақ апаты кезінде оқиға орнына алғашқылардың бірі болып төтенше жағдайлар министірлігінің мамандары жетті, деп хабарлайды Orda.kz.

Олар зардап шеккендерге жедел көмек көрсетіп, уақытында медициналық мекемеге жеткізді. Батылдық танытқандардың бірі – апаттық медицина орталығы бригадасының жүргізуші-санитары Қожабек Аллабергенов, ол жедел әрекет етіп, зардап шеккендерді ауруханаға дер кезінде жеткізді.  

"Түтінді көре сала, көлігімнің жылдамдығын қосып, барынша тез жетуге тырыстым. Апат орнына бірінші болып жетіп, дәрігеріммен бірге көмек көрсетуге кірістік. Фельдшер сыртқа шығарылған адамдарға көмектесуді жалғастырды. Орындыққа қысылып қалған әйелді дәрігер екеуміз шығарып алдық. Кейін дәрігер іште балалар немесе жүкті әйелдер болуы мүмкін екенін айтып, соларға көмектесуге кетті. Сол сәтте өрт сөндірушілер де келіп, біз бірге зардап шеккендерге алғашқы көмек көрсетіп, оларды ауруханаға жөнелттік," – деп еске алды Қожабек Аллабергенов.  

Бұл жағдай құтқарушылар мен дәрігерлердің төтенше жағдайларда жылдам әрі үйлесімді әрекет етуінің қаншалықты маңызды екенін көрсетті. Жедел әрекеттер қайғылы жағдайдың салдарын азайтып, көптеген өмірді сақтап қалуға мүмкіндік берді.