Ақтауда «полицей болып» ойнап, көлік тексергендердің ісі сотқа берілді

Ақтауда тұрғындарына полиция формасына ұқсас киім киіп, әлеуметтік желіде таратқандары үшін айыппұл салынды, деп хабарлайды Orda.kz.        

Ақтауда екі жас жігіт полиция қызметкерлерінің формасын киіп және арнайы белгілерді пайдаланып, көшеде «құқық бұзушыларды ұстаған». Осы әрекеттері үшін олар әкімшілік жауапкершілікке тартылды, деп жазды жергілікті басылым «Лада».

Полиция мәліметінше, әлеуметтік желілерді мониторингтеу барысында Толқын-1 ықшамауданы аумағында, Meta School жекеменшік мектебінің маңында түсірілген бейнеролик анықталған. Кадрларда екі жас жігіт полиция формасына ұқсас киімдер мен арнайы белгілерді пайдаланып, өзінше «құқық бұзушыларды ұстағандай» әрекет жасаған. Бейнежазба 21 қаңтар күні шамамен сағат 17:40-та түсірілген. 

Аталған дерек бойынша жастарға қатысты ҚР Әкімшілік құқық бұзушылық туралы кодексінің 675-бабының 1-бөлігі (айырым белгілері және (немесе) әскери форма символикасы бар киімді, сондай-ақ формалық киім мен арнайы нысанды заңсыз кию (пайдалану)) бойынша әкімшілік хаттамалар толтырылды.

Бұл құқық бұзушылық үшін 5 айлық есептік көрсеткіш (21 625 теңге) мөлшерінде айыппұл салынып, формалық киім немесе ерекше белгілері бар киім тәркіленеді.

 Іс материалдары соттың қарауына жіберілетін болды.

Еске салсақ, Шымкенттегі жолға таласып, кісі өлтіру оқиғасына қатысты тағы үш күдікті ұсталды.

Оқи отырыңыз:

• Қаскелеңде үзіліс кезінде аяқ астынан мектеп оқушысы қайтыс болды
• Үйге қамап, қонаққа кеткен: СҚО-да өрттен қаза тапқан қыздың анасы қамауға алынды

• Алматы облысында полицейлер үйден күштеп шығару кезінде әйелдің қабырғасын сындырды
• Алматыда түнгі клубтың аспазы есірткі саудасына қатысы бар деген күдікпен ұсталды