Ақтауда 6 жастағы қыз қайтыс болды

«Түнгі сағат екіде ортаншы қызымның қызуы көтерілді. Әдеттегідей ибуфен дәрісін бердік. Осыдан кейін бала ұйықтап қалды, кешкі сағат 7 шамасында қызым оянып, су ішіп, өзін жақсы сезінген сияқты болды. Бірақ қызуы қайтадан 38-39 градусқа дейін көтерілді. Сағат ондар шамасында температура түспегендіктен жедел жәрдем шақыруға тура келді. Оларға балаларға укол салуға тыйым салынған көрінеді. Қызыма укол салмады, дәрі бермеді. Жедел жәрдем қызметкерлері баланы жай ғана құрғатып, ыстық түсіретін дәрі беруге кеңес беріп, кетіп қалды», - дейді марқұм қыздың әкесі.

«Олар кеткеннен кейін шамамен бір сағат өткен соң, қызымның денесі басынан аяғына дейін күлгін түске, содан кейін қызыл және көк түске ене бастады. Біз қорқып, қайтадан жедел жәрдем шақырдық, сол бригададағы екі жас жігіт қайта келді. Қызымның жағдайын көріп, оны ауруханаға апаруды ұйғарды, оны киіндіре бастағанда 16 желтоқсанда түнгі сағат 12-де қызымда құрысулар басталып, көз алдымызда айырылып қалдық. Жедел жәрдем қызметкерлерінде шұғыл жәрдем көрсететін құрал-жабдықтар, ауамен қамтамасыз ету аппараты жоқ, олар ештеңе білмейді. Олар бейнеқоңырау арқылы әріптестерімен сөйлесіп, не істеу керектігін сұрады. Содан кейін көмекке екінші топты шақырды. Олар көлікпен келем дегенше мен қызымнан айырылдым», - дейді ол.

«Мен бұл істің жай жабыла салғанын қаламаймын. Біз денсаулық сақтау министрлігінің жұмысын реттеп, түзетуіміз керек. Өйткені бүгінде жедел жәрдем қызметкерлері мүлдем тәжірибесіз жас мамандар. Бұлай болмауы керек. Неге укол салмайды? Балаларымыздың өміріне қимай, үнемдеудің қандай қажеті бар? Қасым Жомарт Кемелұлы, осы мәселені өз бақылауыңызға алуыңызды сұраймын», - деді Ислам Шыңғысов.