«Аяғын дәретхана қағазымен ораған»: Петропавлда тұтқын өзін-өзі өртеп жіберді

Петропавл қаласының тергеу изоляторында сотталушы өзін-өзі өртеді, деп хабарлайды Orda.kz. 

11 маусым күні 19:00 шамасында 37 жастағы ер адам аяғына дәретхана қағазын орап, оны өртеген. Тұтқын көпсалалы қалалық ауруханаға дереу жеткізілді. Оның екі жамбасы мен аяғын екінші дәрежелі күйік шалды. 

Ер адамның неліктен мұндай қадамға барғаны әлі белгісіз. СҚО бойынша қылмыстық-атқару жүйесі департаменті кісі өлтірді деген күдіктінің Петропавл тергеу изоляторында өзін өртемек болғанын растады. ҚАЖД жақын арада болған оқиғаға түсініктеме беруге уәде берді. 

Тұтқынның бұрын да сотталғаны белгілі болды. Ал қазір ол ҚР ҚК-нің 99-бабы «Кісі өлтіру» бойынша жауапқа тартылып жатыр екен. 

Айта кетейік, мамыр айында Атырауда тергеу изоляторында аузын тіккен сотталушы тамырын кесіп тастаған еді.