800 млн желге ұшуы мүмкін: Назарбаевтың бұрынғы күйеу баласынан алынған жерді үкімет қайта сатып алмақ

Астана қаласының мәслихат депутаттары «Керуен» сауда орталығының жер учаскесін аукционда 176 млн теңгеге сатып, кейін 4 айдан соң қайтып сатып алғалы жатыр, деп хабарлайды Orda.kz.

Бір қызығы енді оны үкімет қайтып 1 миллиардқа жуық ақшаға сатып алмақшы. «Керуен алаңы» деп аталатын беделді жер учаскесі Астана мәслихатының кезектен тыс сессиясының күн тәртібінде аяқ асты пайда бола қалды. 

Бұрын ол жер Назарбаевтың бұрынғы күйеу баласы Тимур Құлыбаевқа тиесілі болған. Бұл туралы 2023 жылдың ақпан айында сол кездегі жер мәселелері жөніндегі заңгер, қазіргі мәжіліс депутаты Бақытжан Базарбек өзінің Facebook парақшасына жазды. Айта кетейік, қазір онымен медициналық клиникалар соттасып жүр. Айыптаушы тараптың сөзінше, мәжілісменнің аңдамай айтқан сөзі олардың іскерлік беделіне нұқсан келтірген.

Базарбектің мәліметінше, «Керуен алаңының» мақсаты көпфункционалды кешен салу және оны пайдалану. Алайда жағдай түсініксіз болып тұр. Өйткені оны сатып, кейін қайта тәркілеп, одан соң қала өтемақы төлеуі керек нысандар тізіміне енгізілді.

Еске сала кетейік, Астана LRT жобасындағы қаржы жымқыру дерегі бойынша іздеуде жүрген Талғат Ардан Түркия аумағында ұсталған болатын.