«700 млн»: Шымкентте әкім аппаратының басшысы мен ЖШС қызметкерлері ұсталды

Шымкент қаласының Әл-Фараби ауданы әкімі аппаратының басшысы ЖШС директорымен және құрылтайшысымен алдын ала сөз байласу арқылы бюджет қаражатын жымқыру әрекетіне барғаны анықталды, деп хабарлайды Orda.kz.

Күдіктілер қоқыс жәшіктері, отыратын шағын орындар , әткеншектер, ойын және тренажер алаңдарымен қоса, тұрғын үйлердің ауласын абаттандыру жұмыстарын жүргізу үшін, материалдардың құнын көтеріп сметалық құжаттар жасаған. Осы іс-әрекеттердің нәтижесінде 700 млн теңгеге жуық мемлекеттік мүлік талан-таражға түскен.

Сонымен қатар, ЖШС директоры мен құрылтайшысы декларацияға жалған мәліметтер енгізу арқылы салық төлеуден жалтарған. 

«Қабылданған шаралар нәтижесінде 194 млн теңгеден астам салық берешегі толық өтелді. Сот үкімімен үш айыпталушы кінәлі деп танылып, 8 жылға бас бостандығынан айыруға сотталды»,  деп мәлімдеді Қаржы мониторинг агенттігі.

Үкім заңды күшіне енген жоқ.