«6 рет пышақ сұққан»: Ақтөбедегі бекетте пойыз бастығын өлтіріп кетті

Оқиға тура перронда болған. Полицияның мәліметінше, ер адамға бір жолаушы жақындап, одан темекі сұраған. Бас тартқанын естіген соң, ол пышақ шығарып, оған алты рет сұғып алған, деп хабарлайды Orda.kz.

КТК телеарнасының мәліметінше қанды оқиғаның мән-жайын бейнебақылау арқылы камералары анықтаған. Кадрларда қылмыскердің еш жасырынбай пышақ жүзіндегі қанды сүртіп, камераға көз тастап, сабырмен кетіп бара жатқаны көрінеді. Дегенмен полиция бейнежазбаны елге көрсеткен жоқ.

28 жастағы күдікті ұсталды. Оның бұрын сотталғаны және пробациялық бақылауда жүргені анықталды. Енді ол «қасақана кісі өлтіру» бабы бойынша қайтадан қамауда отыр.

Полиция қанды қылмыстың себебін атамады. Белгілі болғандай, пойыз бастығы бұл күні демалыста болған. «Пассажирские перевозки» АҚ марқұмның отбасына көңіл айтып, материалдық көмек көрсетті.