«460 бала ұшынды»: Маңғыстау мектебіндегі жағдайды премьер-министр қолға алды

Премьер-министр Олжас Бектенов денсаулық сақтау және білім министрі және Маңғыстау облысының әкімімен бірге Бесшоқы ауылындағы мектепте балалардың ұшынуы жайлы мәлімдеме жасады, деп хабарлады Orda.kz.

Премьер-министрдің мәлімдемесіне сүйенсек, қазіргі уақытта дәрігерлердің бақылауында 460 бала бар, олардың 83-і ауруханаға жатқызылған, ал екі бала жансақтау бөліміне түскен еді. 

Қазіргі таңда барлық балалардың жағдайы тұрақты, реанимациядағы екі баланың денсаулығы жақсара бастаған соң олар да жалпы бөлімге ауыстырылды.

«Қазіргі уақытта ауруханаға ұшыну белгілерімен түскен балалардың барлығына толық көлемде қажетті медициналық көмек, соның ішінде психологиялық көмек көрсетілуде. Оқиға орнында ҚР Оқу-ағарту министрлігі Балалар құқықтарын қорғау комитетінің өкілдері жұмыс істеп жатыр. Зардап шеккендерге және олардың отбасыларына қолдау шараларын көрсету бойынша жұмыс жүргізіліп жатыр», — деп мәлімдеді премьер-министрдің баспасөз қызметі.

Сондай-ақ, премьер-министрдің баспасөз қызметі аурудың таралуын тоқтату және жою мақсатында аймаққа «Ғылыми-практикалық санитарлық-эпидемиологиялық сараптама және мониторинг орталығы» филиалы мамандары жіберілгенін айтты. Үкімет басшысының тапсырмасымен, барлық мектеп асханаларында санитарлық-эпидемиологиялық талаптардың сақталуын тексеру үшін бір ай мониторинг жүргізіледі. Бұл мектеп тағамдарының қауіпсіздігін қамтамасыз етуге және осындай оқиғалардың қайталануын болдырмауға бағытталған.

№8 мектептегі улану себептеріне зерттеу жүргізілуде. Жауапты тұлғалар заң бойынша жазаға тартылады.

Еске сала кетсек, Orda.kz осы мәселені жазған болатын. Онда осы асханаға қызмет көрсететін кәсіпкерлік туралы  айтылды.