«4 баласы қалды»: Астанада көлік ұрлаған 18 жастағы жігіт қағып кеткен азамат қайтыс болды

Тамыз айында Астанада 18 жастағы азамат көлік ұрлап, полициядан қашып бара жатқанда бағдаршамға тоқтап тұрған көлікке соғылып, салдарынан бағдаршамда тұрған көліктің иесі жансақтау бөлімінде көз жұмды, деп хабарлайды Orda.kz.

Жансақтау бөлімінде көз жұмған жүргізушінің артында әйелі мен 4 баласы қалды.

«Қарапайым өмір сүріп жүрген, қарапайым отбасы еді. Бір-ақ сәтте балалары әкелері мен асыраушысынан айырылды», – деді марқұмның туыстары. 

Күдікті ұсталып, уақытша ұстау изоляторына қамалды. Оған қатысты қылмыстық іс қозғалып, тергеу жүріп жатыр. Ал тұрғындар мұндай қуғынның қауіпсіздігі туралы мәселе көтеріп отыр. Олардың айтуынша, ұрыларды қаладағы камералардың санымен өзгеге қауіп төндірмейтін жерде қолға түсіруге болады.

Еске сала кетейік, Батыс Қазақстан облысында 20 жастағы жігіт Renault Logan автокөлігін ұрлап, полиция қызметкерлерінен қашамын деп көлік апатына түскен болатын. Салдарынан бір адам оқиға орнында көз жұмды.