370 млн жымқырған полицейлерге қатысты ІІМ мәлімдемесі

Шымкент полициясының қаржылық қамту басқармасының бастығы мен полиция аға лейтенанты бірлесіп 370 млн теңге жымқырды деген ақпаратқа қатысты ІІМ түсініктеме берді, деп хабарлайды Orda.kz.

Министрлік полиция бастығы мен аға лейтенанттың ұсталғанын не ұсталмағанын нақты айтпады. Алайда, бұл факт бойынша қылмыстық іс қозғалғандығын растады.

«Ішкі істер министрінің тапсырмасы бойынша өзіндік қауіпсіздік департаменті қызметтік тексеру бастады, оның қорытындысы бойынша қатаң шаралар қабылданады. Кінәлілер заңға сәйкес жазаланады. ІІМ кез-келген құқық бұзушылыққа төзбеу қағидатын ұстанады», делінген ІІМ баспасөз қызметі хабарламасында.