2024 жылы Астанадағы апатты үйлердің тұрғындары жаңа қонысқа көшеді

2024 жылы апатты жағдайдағы 60 үйдің тұрғыны салынып жатқан 1400 пәтерге көшіріледі, яғни шамамен 4200 елорда тұрғыны жаңа баспанамен қамтамасыз етіледі, деп хабарлайды Orda.kz  елорда әкімдігінің ресми сайтына сілтеме жасап.

Елордада тозығы жеткен тұрғын үйлерді жөндеу бағдарламасы аясында ескі үйлер бұзылып, астаналықтар жаңа баспанаға көшіріледі. 

2013 жылдан бері елордада тозығы жеткен 286 үйдің тұрғындары жаңа қонысқа көшірілді. Сол кезде 4500-ден астам отбасы жаңа жайлы пәтерлерге ие болды.

2023-2029 жылдарға арналған тұрғын үйлерді жөндеу жобасы аясында Астанада 206 апатты үйдің тұрғындары 4710 пәтерге көшіріледі.

Тұрғын үй қорын жаңарту тұрғын үйді және үй орналасқан жер учаскесін реквизициялау үшін апатты (тозығы жеткен) тұрғын үйлерді бұзу және одан азаматтарды көшіру арқылы қаланың «ескі» кварталдарын кешенді реконструкциялауды көздейді.

Жоба шарттарына сәйкес тозығы жеткен үйлердің тұрғындарына бөлмелер саны мен тұрғындардың санына қарамастан, бірақ бір бөлмеден кем емес көлемдегі бөлмелі пәтер, құқық белгілейтін құжаттарға сәйкес  (яғни, «шаршыдан» «шаршыға» дейін) жаңа пәтерлер беріледі. 

Мемлекет басшысының тапсырмасы бойынша тұрғын үй-жайларды жақсарту мақсатында тұрғын үй кешендерін жөндеу, лифтілерді ауыстыру, жеңілдетілген әлеуметтік тұрғын үйлер салу, ұзақ мерзімді құрылыс нысандарын аяқтау жұмыстары да жүргізілуде.

Бұл бағыттағы жұмыстар жүйелі түрде қолға алынды.