2024 жылғы Олимпиада жеңімпаздары мен қатысушылары қанша алады

Туризм және спорт министрлігі 2024 жылы Парижде өтетін Олимпиада чемпиондары мен жүлдегерлерін ақшалай ынталандыру көлемін атады, деп хабарлайды Orda.kz 24KZ сайтына сілтеме жасап.

Алтын медаль иегерлері 250 000 доллар, күміс жүлдегерлер 150 000, қола жүлдегерлер 75 000 доллар алады.

Сондай-ақ сәйкесінше 4, 5 және 6-орындарға 30, 10 және 5 мың доллар көлемінде бонустар қарастырылған.

Сонымен қатар, боксшылар мамандандырылған федерациядан қосымша қомақты ақшалай сыйлық алады. Жалпы бокстан төрт жылдың негізгі ойындарының чемпионы 470 000 доллар алуы мүмкін.

Олимпиада жүлдегерлері мен қатысушылары мемлекеттен берілетін баспанаға да ие болуы мүмкін.