13 жастағы қызды зорлаған мұғалімнің ісі: Сот жәбірленушілерсіз өткен

Семей қаласында 13 жастағы мектеп оқушысын алғашқы әскери дайындық пәнінің мұғалімі зорлаған. Бұл туралы Orda.kz хабарлайды.

Бастапқыда жәбірленушінің анасына уәде етілген мемлекеттік қорғаушы тағайындалмаған. Сот процесі жәбірленуші тарапсыз өтіп кеткені анықталды.

«НеМолчиKZ» қорының мәліметінше, бірнеше күн бойы қыздың анасы тергеушіге хабарласуға тырысқан. Оған сотқа шақыру жібереміз деп уәде берген, алайда не тергеушімен, не сот хатшысымен байланыс орната алмаған. Бала құқықтары жөніндегі уәкіл де мемлекеттік адвокат беріледі деп сендірген, бірақ ол да орындалмаған. Нәтижесінде, жасөспірімнің анасы сотқа шақырылмай, онлайн қатысу мүмкіндігінен де айырылған. Іс жәбірленуші тараптың қатысуынсыз қаралған.

Бұған қоса, қор сотталған ер адамның туыстары жәбірленуші отбасыға қысым көрсеткенін хабарлады. Олардың айтуынша, туыстары анасына «өзің және қызың жайлы жалған ақпарат таратамыз» деп қорқытқан.

Ал сотталушының ағасы қызға хабарласып, жалған куәлік берсең, «пәтер беремін» деп уәде еткен. Сонымен қатар, олар көпшілікке «қыздың анасы бізден 6 миллион теңге талап етті» деген жалған ақпарат таратқан. Алайда шын мәнінде, анасы сот процесінде моральдық өтемақыдан үзілді-кесілді бас тартқан.

Қызметтік қысым мен моральдық күйзеліс салдарынан, жәбірленушінің анасы жүктілігінің 27-аптасында мерзімінен бұрын босанды. Нәресте қазіргі уақытта жансақтау бөлімінде жатыр.

Қазіргі таңда бұл іске қатысты апелляциялық сот қаралып жатыр.