Жаяу жүргіншілер өткелінде өнер көрсеткен акробатқа айыппұл салынды

Алматылық тұрғын жаяу жүргіншілер өткелінде сальто жасағаны үшін енді айыппұл төлейді.

Бұл туралы Orda.kz хабарлады.

Видео Instagram әлеуметтік желісінде жарияланды.

Поицейлер «жас жігіт жол ережесін бұзды» дейді.

– Жас жігіт құқық бұзушылық жасады. Ол ҚР Әкімшілік кодексінің 615-бабы бойынша жауапқа тартылды. Яғни, жаяу жүргінші жол қозғалысы ережесін бұзды, - дейді қалалық ПД бастығының орынбасары Рустам Әбдірахманов.

Айта кетсек, жаяу жүргіншілер жол ережесін сақтамаса, 2 АЕК (5834 теңге) айыппұл төлеуге міндеттеледі.

Анықталғандай, бұл «акробаттың» бірінші рет жазаға тартылуы емес екен.

Бұған дейін ол ҚР Әкімшілік кодексінің 590 және 593 баптары бойынша жауапқа тартылған.

Бірақ «акробаттың» жолда көрсеткен өнері желі қолданушыларының көңілінен шықты.