Зағип енесінің атына несие рәсімдеп тайып тұрған келіншек сотталды

Жамбыл облысында келіні зағип енесінің ұялы телефоны арқылы несие рәсімдеп, қашып кеткен еді. Сот оған үкім шығарды, деп хабарлайды Orda.kz. 

Жамбыл облысында сот енесінің атына бірнеше рет несие ресімдеп, Алматыға кетіп қалған әйелге үкім шығарды. Шығын 514 мың теңге болды.

Соттың мәліметінше, биыл наурыз айында келіншек қарт әйелдің көру қабілеті нашар екенін пайдаланып, оны құжаттарды рәсімдеу үшін ЭЦҚ ашуға көндірген. Осы сылтаумен ол енесінің атына бірнеше онлайн несие рәсімдеп, қашып кетеді. 

Полиция келіннің кім екенін анықтады. Әйел кінәсін мойындады. Сот шешімімен ол 1 жылға бас бостандығынан айырылды.

Айта кетейік, Қызылордада бір келіншек өзін қорлаған енесін сот арқылы жеңіп шыққан еді.