Қытайдағы нөсерден кейінгі су тасқынынан 33 адам зардап шекті

Қытайдың Хэнань провинциясында нөсерден кейінгі су тасқыны салдарынан 33 адам зардап шегіп, 8 адам хабарсыз кеткен, деп жергілікті Төтенше жағдайлар департаменті мәлімдеді.

Бұл туралы Orda.kz РИА Новостиге сілтеме жасап хабарлады.

Бұған дейінгі ақпарат бойынша 25 адам мерт болып, 7 адам жоғалып кеткен.

16 шілдеде бастау алған табиғи апат салдарынан Хэнань провинциясында 103 аудан мен 3 млн адамға қауіп төнді. 375 адам  шұғыл эвакуацияланып, 256 мың адам көшірілді.

215 мың гектар ауылшаруашылық жерлері зардап шегіп, 1,22 млрд юань экономикалық шығын келтірілген.

Еске салсақ, 17 шілдеде Қытайдың Хэнань провинциясына нөсер жаңбыр жауды. Чжэнчжоу қаласы зардап шекті.

20 шілдеде Чэнчжоу метросының бесінші бағытын су басты. Пойыздардың қозғалысы тоқтатылып, жолаушылар вагондарда қамалып қалған. 500 адам эвакуацияланып, 12 адам көз жұмып, 5 жарақат алған.