Үндістанда 240 жолаушысы бар ұшақ құлады

Үндістанның Ахмедабад қаласынының маңында бортында 240 адам бар ұшақ құлады, деп хабаралайды Orda.kz.

Ахмедабад қаласындағы әуежай маңында Air India әуе компаниясына тиесілі Airbus A320 ұшағы апатқа ұшырады. 

India TV мәліметінше, ұшақ бортында 240 жолаушы болған. Қазіргі таңда құтқару қызметтері оқиға орнында жұмыс істеп жатыр. Апаттың себебі әзірге анықталған жоқ.

Times Now телеарнасы таратқан соңғы деректерге сәйкес, апат салдарынан 110 адам қаза тапты. Полиция өкілдері ұшақтың дәрігерлерге арналған жатақхана маңында құлағанын хабарлады. 

Hindustan Times басылымының мәліметінше, ұшақ бортында Үндістан азаматтарымен бірге 53 Ұлыбритания азаматы, 7 Португалия азаматы және 1 Канада азаматы болған. Ұшақ Ахмедабад халықаралық әуежайынан Астана уақытымен 13:08-де Лондонға бағыт алған. 

Қасым-Жомарт Тоқаев Үндістан Премьер-министрі Нарендра Модиге Ахмедабад қаласы әуежайының маңында болған жолаушылар ұшағы апатынан көптеген адамның қазасына қатысты көңіл айтты.