Тоқаев Алжир президентін Революция күнімен құттықтады

Мемлекет басшысы Алжир Халық Демократиялық Республикасының Президенті Әбдельмаджид Теббунға ұлттық мереке – Революция күніне байланысты құттықтау жеделхатын жолдады, деп хабарлайды Orda.kz.

 Өз жолдауында Тоқаев екі ел арасындағы қарым-қатынастың достық сипатын атап өтті.

«Біз Алжирді араб әлемі мен Солтүстік Африкадағы сенімді серіктестеріміздің бірі деп есептейміз. Достық пен өзара түсіністікке негізделген екіжақты қарым-қатынастар біздің халықтарымыздың игілігі үшін нығая беретініне сенімдімін» деп жазылған президенттің құттықтау жеделхатында. 

 
29 қазанда мемлекет басшысы АҚШ президентінің Оңтүстік және Орталық Азия бойынша арнайы өкілі Серджио Гормен және АҚШ мемлекеттік хатшысының бірінші орынбасары Кристофер Ландаумен кездесті.

Ал 31 қазан қарсаңында Қасым-Жомарт Тоқаев «Қазақстан - академиялық білім аумағы» білім беру форумында сөз сөйледі. Содан кейін бірнеше шетелдік ЖОО ректорларын, соның ішінде өзі оқыған екі ЖОО ректорларын қабылдады.