Мемлекет басшысы ғалымдарды Қазақстан ғылымы күнімен құттықтады.

Бұл туралы Orda.kz хабарлады.

Қазақстан Президенті Қасым-Жомарт Тоқаев Қазақстанның ғарыштық технологияларды белсенді игеретінін айтты. Бұл туралы мемлекет басшысы өзінің Twitter-дегі парақшасында жазды.

– Осыдан 60 жыл бұрын адамның ғарышты игеру дәуірі басталды. Юрий Гагариннің Байқоңыр ғарыш айлағынан ұшуы – әлемдік ғылым дамуының жарқын көрінісі. Қазақстан халықаралық бағдарламаларға, ғарыш технологиясын игеруге белсенді атсалыса береді, – деді Қасым-Жомарт Тоқаев.

Сондай-ақ Мемлекет басшысы ғалымдарды Қазақстан ғылымы күнімен құттықтап, бұл мереке көрнекті ғалым Қаныш Сәтбаевтың туған күніне сәйкес келетінін атап өтті.

– Ғылым саласы қызметкерлерін бүгінгі кәсіби мерекесімен құттықтаймын! Осы айтулы датаның аса көрнекті ғалым Қ.Сәтбаевтың туған күнімен тұспа-тұс келуінің мәні зор, – деп атап өтті мемлекет басшысы.

Қазақстанда, бүгін де атап өтілетін Ғарышкерлер күніне орай, 12 сәуірде ғарышқа адам ұшқан алғашқы ұшудың 60 жылдығына орайластырылған «Ғарышты шарлаймын, жұлдызды таңдаймын» акциясы басталды.

Акция «Игілікті істер марафоны» ұлттық жобасы аясында басталды, ол қазақстандық ғарышкерлер өмірінен алынған фактілерді, сондай-ақ қазақстандық ғарыш бағдарламасының практикалық маңыздылығын насихаттауға бағытталған. Әлеуметтік желілердегі парақшаларында қазақстандықтар #ҒарыштыШарлаймынЖұлдыздыТаңдаймын хэштегімен қазақстандық ғарышкерлер мен ұлттық ғарыштық бағдарламалар туралы қызықты фактілерді орналастырады.

– Акцияны қолдау мақсатында әлеуметтік желілердегі «Ізгі істер марафонының» ресми парақтарында қазақстандық ғарышкерлердің, ғалымдар мен ғарыш саласы қайраткерлерінің ақпараттық фактілері мен әңгімелері бар басылымдар сериясы жарияланып жатыр, – деп атап өтті ұйымдастырушылар.

Бөлісіңіз: