Судьяларға қазақ тілін үйрететін алғашқы оқулық жарыққа шықты

Сот жүйесінде қолданылатын кәсіби терминдерді қазақ тіліне аударуда әлі де қиындықтар көп.

Бұл туралы Orda.kz Хабар24-ке сілтеме жасап хабарлады.

Мемлекеттік тілде жүргізілген отырысқа қатысушылар ештеңе түсінбей жатады.

Сондықтан Қарағанды облыстық соты тіл басқармасымен бірлесіп сот жүйесінде қызмет ететін азаматтарға арнап арнайы оқулық даярлады.

Оқулық 120 академиялық сағаттан тұрады. Онда барлық кәсіби терминдер барынша түсінікті етіп аударылған. Алдағы уақытта судьялар осы оқулықпен танысатын болады. Кейін емтихан тапсырады.

Жаңа оқулық өзге де облыстың сот қызметкерлері мен тілдер басқармаларына жіберіледі.

– Бұл кітаптың мақсаты – сот саласындағы қыметкерлердің қарапайым деңгейде оқып, тыңдап, жазып түсіну дағдыларын қалыптастыруға негізделді. Жалпы бұл кітапты жазуда сарапшы судьялар бізге көп көмек көрсетті десе болады. Жалпы, бұл кітапты бастамас бұрын 8 ай көлемінде сот саласындағы терминдерді, барлық іс жүргізу актілерінің үлгілерін қарап, сот отырысының хаттамалары, қылмыстық іс, азаматтық іс жүргізуді қарап, зерделеп барып кітап жазуға араластық, - деді тілдерді оқыту орталығының әдіскері Мунира Ағымбаева.