Сотта Берденовке жасалған шабуылдың кадрлары жарияланды

Шымкент әкімінің орынбасары Руслан Берденовке қастандық жасау ісі бойынша сотта әкімдік алдындағы бейнебақылау жазбалары жарияланды, деп хабарлайды Orda.kz.

Бейнежазбада әкімдіктен шығып келе жатқан Берденовке мылтықпен оқ ата жөнелген Ернар Жиенбайдың іс-әрекеті анық байқалады.

Шымкент әкімінің орынбасары жараланғанына қарамастан, қашып қарсылық көрсетуге тырысқан. Артынша, сол арада Берденовтің жүргізушісі Жиенбайды көлікпен қағады. Полиция Жиенбайды оқиға орнында ұстады. Жерде құлап жатқан Берденовке алғашқы көмек көрсетілді.

Еске сала кетейік, кешегі сот отырысында оның адвокаты Жеңіс Тыныбек Берденовтың ауруханда ота жасалған кездегі суреттерін көрсетті. Суреттерде жәбірленушінің  денесіне қанша оқ тигені мен жарақаттары анық көрсетілген.