Премьер-министр Ақтөбедегі бұзылған бөгетті көріп қайтты

Премьер министр Ақтөбе облысына сапары барысында қарғын су салдарынан бұзылған бөгетке барып қайтты, деп хабарлайды Orda.kz порталы.

Олжас Бектенов көлемі 15,8 миллион м3 болатын Мағаджан бөгетін аралап көрді, онда су салдарынан бөгет бұзылған. Бөгет 1985 жылы салынған. Су тасқынынан Қызыл ту ауылынан 25 адам, Табантал қыстағынан 11 адам эвакуацияланды.

«Жалпы облыста тасқын қаупі әлі сейілмеген. Қазір өзендердің көпшілігінде су арнасынан асып кеткелі тұр. Өңірде 792 үй су астында қалды. Облыстың 5 ауданында (Қобда, Мұғалжар, Темір, Әйтеке би, Ойыл) және Ақтөбе қаласында жергілікті ауқымдағы табиғи сипаттағы төтенше жағдай жарияланды. Су тасқынына қарсы іс-шараларға жеке құрамнан 3140 адам, 664 техника жұмылдырылды. Барлығы 8 978 адам қауіпсіз жерге көшірілді» делінген хабарламада.