Әпкесіне сенген еркек үш баланың анасын соққыға жықты

Алматы тұрғыны Венера Сәбит өзінің Facebook парақшасында бұрынғы күйеуі есік алдында шабуыл жасағаны туралы айтты.

Бұл туралы Orda.kz хабарлады.

Жазбада келіншек бұрынғы күйеуі бұған дейін 4-5 рет сотталған, бірақ тек айыппұл мен ескертулер алып, құтылды дейді.

– Маған көмектесіңіздерші, менің бұрынғы күйеуім мені жақында өлтіреді. Бұл оның қайталанып жатқан әрекеттері. Тәтесі қалалық сотта жұмыс істейді және ол оны пайдаланып отыр. Жемқорлық пен туыстардың қарым-қатынасы осы Қазақстанда қашан бітеді... Мен енді кімге хабарласарымды білмеймін. Бәрі бекер. Барлығы менің өлімімді күтуде. Мен оған ештеңе жасай алмайтын, заңды күресуден шаршадым, - деп жазды Венера Сәбит.

Әйелдің айтуынша, оның бұрынғы күйеуі қорғаушылық тәртіпті бұзған.

– Бұл факт бойынша учаскелік инспектор Әкімшілік құқықбұзушылық кодексінің 461-бабы бойынша материал жинады. Ертең ол Алматы қаласының мамандандырылған ауданаралық әкімшілік сотына жіберіледі. Сот-медициналық сараптама тағайындалды, қорытындыға сәйкес, қосымша шаралар да қабылданады, - деп түсіндірді Алматы полиция департаментінде.