«Мемлекеттік төңкеріс жасаған» дін көшбаасшысы көз жұмды

Түркия билігі мемлекеттік төңкеріс жасады деп айыптаған діни лидер Фетхуллах Гүлен қайтыс болды, деп хабарлайды Orda.kz. 

Түркияда террорист деп танылған FETÖ ұйымының уағызшысы және негізін қалаушы Фетхуллах Гүлен көз жұмды. 

Бұған дейін Гүлен Американың Пенсильвания штатында тұрды. Алдын ала мәлімет бойынша, соңғы жылдары уағызшының денсаулығы айтарлықтай нашарлаған.

Гүлен әлемдегі ең ірі діни қоғамдық ұйымның бірін басқарды. Ол басқаратын «Хизмет» қозғалысы 150 елде мыңға жуық білім орнын қаржыландырып отыр.

Ердоған бұған дейін Гүлен қозғалысын өзін қаралауға ұмтылғанын, 2013 жылғы коррупциялық тергеу кезінде өзіне жақын бірнеше серігін айыптауға тырысқанын айтқан. Бұл тексерістен шу шығып, үкімет көптеген прокурорлар мен жоғары лауазымды шенеуніктерді қызметінен босатқан еді.