Маусымда Тоқаев туралы екі фильм жарыққа шығады

Екі фильм де Қазақстанның екінші президентінің жеке қалыптасу тарихы туралы баяндайды.

Бұл туралы Orda.kz хабарлады.

Маусым айында қазақстандық көрермендер Қасым-Жомарт Тоқаев туралы екі сериялы «Преодоление» («Жеңіс») деректі фильмін көре алады.

Zakon.kz-тің айтуынша, авторлар фильмде Қасым-Жомарт Тоқаевтың саяси өмірінің мән-жайы көрсетіледі және көрермен оның әлемдік аренадағы еңбегі туралы білетін болады деген.

– Бірінші бөлім мемлекет басшысының өмірбаянындағы қызықты фактілерге арналған. Екінші бөлімде көрермен Тоқаевтың саяси қызметінің тиімділігін бағалай алады, - делінген хабарламада.

Бірінші бөлім «Хабар» арнасында 11 маусымда 21:30-да, екінші бөлім 12 маусымда 22:00-де көрсетіледі. Фильмнің екі бөлімінің қайталануын 13 маусымда сағат 22:00-де және 22:40-та көруге болады.

Сонымен қатар, тележүргізуші Асылбек Абдулов «Президент Тоқаевтың жаңа бағыты» деректі фильмінің премьерасына шақырып жатыр.

– Тәуелсіз Қазақстанның екінші Президенті Қасым-Жомарт Тоқаев екі жылда ауыр сынақтарды бастан өткеріп, елді экстремалды жағдайда басқарды. Қанықтылық пен драматургия тұрғысынан президенттің екі жылы төрт жылға тең келеді, - деп жазды ол.