Қостанайда науқас хирургті соққыға жығып, жансақтау бөліміне түсірді

Қостанай облыстық ауруханасында хирург ауыр жарақатпен жансақтау бөліміне түсті. Дәрігерге медициналық мекемеге келген ер адам шабуыл жасаған, деп хабарлайды Orda.kz.

Облыстық аурухананың баспасөз қызметінің мәліметінше, науқас өзін беймаза ұстаған.

«Ол дәрігерге қол көтеріп, бірнеше рет соққы жасаған. Салдарынан хирург есінен танып қалды. Қазіргі уақытта дәрігер жансақтау бөлімінде ауыр жағдайда жатыр. Оқиға бойынша полиция тергеу амалдарын жүргізіп жатыр», деп хабарлады ведомство.

Медициналық мекеме қызметкерлері оқиғаның әділ тергелуін талап етуде.

Бұған дейін Амантай қажы баспалдақтан итеріп жіберген әйелдің жағдайы туралы белгілі болды.