«Көпбалалы отбасыларға жәрдемақы берілмейді»: Еңбек министрлігі жауап берді

Әлеуметтік желіде «6-дан аз баласы бар көпбалалы отбасылар мемлекеттік жәрдемақыдан айырылуы мүмкін» деген ақпарат тарады. Еңбек және халықты әлеуметтік қорғау министрлігі бұл хабарды жоққа шығарды, деп хабарлайды Orda.kz. 

Желіде тараған ақпаратқа қарасақ, 6 және одан да көп баласы бар отбасылар ғана «көпбалалы отбасы» болып саналады деген жалған ақпарат таралған.

Мұндай отбасыларға табысына қарамастан ай сайын жәрдемақы төленеді. Көпбалалы отбасыларға төленетін төлемдердің мөлшері балалардың санына байланысты сараланады және 2025 жылы:

• - 4 балаға – 16,03 АЕК немесе 63 030 теңге;
• - 5 балаға – 20,04 АЕК немесе 78 798 теңге;
• - 6 балаға – 24,05 АЕК немесе 94 565 теңге;
• - 7 балаға – 28,06 АЕК немесе 110 332 теңге;
• - 8 және одан да көп балаға – 4 АЕК немесе әр балаға 15 728 теңге төленеді.

Сонымен қатар, 6 және одан да көп бала туып, тәрбиелеген, «Күміс алқа», «Алтын алқа» алқалары бар немесе бұрын «Батыр ана» атағын алған, I және II дәрежелі «Ана даңқы» ордендерімен наградталған аналарға да ай сайын жәрдемақы төленеді. 

Айта кетейік, НЗМ-нің ата-аналары Перизат Қайрат ісінде жәбірленуші ретінде танылды.