Қазақстанның 7 өңірінде елді-мекендерді қоршауға алды

Қазақстанның жеті облысында полиция қызметкерлері иесіз қалған үйлер мен нысандарды күзету мақсатында оларды қоршауға алды, деп хабарлайды Orda.kz порталы.

Бүгінде 10 мыңға жуық адам эвакуацияланған, оның ішінде 200 адам тікұшақтың көмегімен көшірілді. Полиция қызметкерлері қазір 78 уақытша орналастыру орталығында тұрғындардың қауіпсіз тұруын қамтасыз етіп отыр.

«Ақтөбе, Атырау, Батыс Қазақстан, Қарағанды, Қостанай облыстарының, сондай-ақ Абай және Ұлытау облыстарының 25 ауданында зардап шеккен елді мекендер қоршауға алынды» деп хабарлады ҚР Ішкі істер министрлігінің ресми өкілі Шыңғыс Әлекешев брифингте.

ІІМ 965 қараусыз қалған тұрғын үйлер мен басқа да нысандарды күзетіп отыр. Сондай-ақ, тәртіп сақшылары 93 ауданда, оның ішінде 8  облыстағы республикалық маңызы күре жолдар қозғалысына шектеулер енгізді.

Апаттық-құтқару және су тасқынына қарсы іс шараға ішкі істер органдарының 5 мыңнан аса қызметкері, 800-ге жуық техника (патрульдік көліктер, қызметтік автобустар және 2 тікұшақ) қатысты.