Қазақстан мен Ресей саяси кеңес өткізді

Астанада Қазақстан мен Ресей сыртқы істер министрліктері арасында саяси консультациялар раунды өтті, делегацияны министрліктердің орынбасарлары Ермұхамбет Қонысбаев пен Михаил Галузин басқарды, деп хабарлайды ҚР СІМ баспасөз қызметі.

«Қазақстан Республикасы мен Ресей Федерациясы сыртқы істер министрліктері арасында саяси консультациялардың кезекті раунды өтті. Делегацияларды ҚР Сыртқы істер министрінің орынбасары Ермұхамбет Қонысбаев және РФ Сыртқы істер министрінің орынбасары Михаил Галузин басқарды», деп жазылған хабарламада. 

Кездесу барысында екіжақты ынтымақтастық мәселелері, жоғары деңгейде қол жеткізілген уағдаластықтарды іске асыру, сондай-ақ алдағы бірлескен іс-шаралар талқыланды.

Тараптар сондай-ақ өңірлік және халықаралық күн тәртібіндегі өзекті мәселелер бойынша пікір алмасып, көпжақты форматтағы өзара іс-қимылдың маңыздылығын атап өтті.