«Хиджаб киюге мәжбүрлеген»: Ақтөбеде өзіне қол салмақ болған студентке қатысты тергеу басталды

Ақтөбеде кәмелетке толмаған студент қыз діни қысымға ұшыраған болуы мүмкін. Хиджаб киюден бас тартқан 17 жастағы қыз өзіне қол жұмсамақ болды, деп хабарлайды Orda.kz.

Оқиға 10 маусым күні Ақтөбе қаласында болды. Кәмелетке толмаған студент көпқабатты үйдің терезесінен секіріп, суицид жасауға тырысты. 17 жастағы қыз бала аман, анасы тоқтатқан.

Бұл факті бойынша қылмыстық іс қозғалып, тексеру жүргізіліп жатыр.

«Ақтөбе қаласының полиция басқармасы кәмелетке толмағанның өз-өзіне қол жұмсау фактісі бойынша сотқа дейінгі тергеу әрекетін жүргізіп жатыр. Оқиғаның мән-жайы тергеу шеңберінде анықталады. Қазіргі уақытта қыздың өмірі мен денсаулығына қауіп жоқ. Психологиялық көмек көрсетіледі», — деп жауап берді Ақтөбе облысы ПД. 

Автор: Ардақ Ерубаева