Барлық мектеп оқулықтарының 93 пайызы цифрландырылды

Бүгінде мектеп оқулықтарын цифрлық форматқа көшіру 80 пайыздан 93 пайызға дейін өсті.

Цифрланған оқулықтар мемлекеттік сараптамадан өтіп, оқу-әдістемелік кешендердің тізіміне енді. Цифрлық оқулықтар еліміздегі 13 баспаның 11 платформасында әзірленген.

Пәндерді оқытудың инновациялық тәсілдерін енгізу және оларды оқытушылардың пайдалануы үшін әдістемелік ұсыныстар әзірленді. Мұғалімдер заманауи цифрлық технологияларды, онлайн коммуникацияларды, саралау мен даралауды пайдалана отырып, сабақтарын өткізеді және онлайн ресурстарды пайдалану бойынша білімдерін жетілдіреді.

Сонымен қатар, робототехника, STEM, химия, физика, биология пәндері бойынша 1000 заманауи кабинет ашу жұмыстары жүргізілуде. Қазіргі таңда 976 мектеп заманауи кабинеттермен жабдықталған.