Балқашта бұрынғы әйелін ұрып-соққан экс-полицей ескерту алып, жазадан құтылды

cover Фото: gov.kz

Қарағанды облысының Балқаш қаласында экс-полиция қызметкері бұрынғы әйелін ұрып-соққаны үшін ескерту алды, деп хабарлайды Orda.kz. 

Балқаш қаласының әкімшілік құқық бұзушылық жөніндегі мамандандырылған соты 11 маусым күні бұрынғы әйелін соққыға жыққан экс-полицейге ескерту жасады. 

«А.Әбішов сот қаулысымен ӘҚБтК-нің 73 - бабының 1-бөлігі (отбасылық-тұрмыстық қатынастар саласындағы құқыққа қайшы әрекеттер) бойынша әкімшілік құқық бұзушылық жасағаны үшін кінәлі деп танылды және оған ескерту түрінде әкімшілік жаза қолданылды»,  деп хабарлады Қарағанды облыстық соты.

Естеріңізге сала кетейік, зардап шеккен әйелдің туыстары полицияда жұмыс істеген бұрынғы күйеу баланың жазаланғанын қалап, полицияға шағым түсірген болатын. 


Жаңалықтар

барлық жаңалықтар