Яндекс Такси бұғатталса не болады?
Шынымен Яндекс Такси жұмысын тоқтатса ше? Алматы, Қарағанды, Ақтөбе және елорда тұрғындары бір жерден екінші жерге қалай жетеді? Orda.kz тілшісі осы сұрақтарды Алматы тұрғындарына қойып көрді.
Такси компаниясы қалыпты жағдайда жұмыс істеп жатыр. Бірақ жүргізушілер мен жолаушыларды Yandex.Go қосымшасын бұғаттауға бұйрық берген сот шешімі ойлантып жүр.
Біреу әр кезде балама табуға болады, біреуі кетсе екіншісі келер деген ойда. Ал басқалары Яндекс Такси жүргізуші мен жолаушыға барлық қажетті жағдайды жасап отырған қазақстан нарығындағы монополия дейді.
Жүргізуші Әлібектің айтуынша, такси компаниялары ашылғаннан кейін бәрін бақылауда ұстап, олқылықтармен жұмыс істемейді, жолаушылар туралы мүлде ойламайды. Ал Яндекс Такси әлі де бәрін өз бақылауында ұстап отыр.
– Ол үзіліссіз, ешқандай қосымшасыз, навигация мен таксиметрді біріктірген ыңғайлы бағдарлама арқылы жұмыс істейді. Менің ойымша, басқа таксилерде мұндай артықшылық жоқ, - деді жүргізуші.
– Жолаушылардың айтуынша, картаны шотқа тіркеген кезде негізсіз ақша шешіп жатады. Сондықтан адамдар қолма-қол төлем жасайды. Бірақ баға тұрақты емес екенін ескеру қажет. Барлығы жұмыс көлеміне, көліктердің қолжетімділігіне, ауа-райына байланысты өзгеріп отырады. Халық өте қымбат деп шағымданады, - деді Әлібек.
Сондай-ақ, ол өз шағымында төлем жүйесі жүргізуші үшін де тиімсіз болатындығын айтты. Компания әр сапарға 20 пайыз алады.
Біз көшеде кездестірген Аида Яндекс Таксиде жұмыс істейді. Ол саяхат құны неге өзгермелі екенін түсіндірді.
– Бағаның өсуі кейбір жағдайларға, шақырым мен сапар уақытына, ауа-райының қолайлығы, жақын маңда көліктердің болуы мен кептеліске байланысты, - деп түсіндірді Аида.
Ал Иван есімді жолаушылардың бірі бағаларды орынды деп санайды. Ол өзінің жайлылығы үшін қажетті соманы төлеуге дайын.
– Егер менің уақытым шектеулі болса, Яндекс болмаса, мен көліксіз қаламын. Мен кептеліске, бензинге, майға, сақтандыруға уақыт жоғалтпаймын. Жылдам көлік пен сыпайы жүргізушілер қолжетімді, - деді Иван.
Жас ана Арай да осы пікірге қосылды. Ол үшін баласының қауіпсіздігі бірінші орында.
– Мен ұлымды ертіп қаланы жиі аралаймын және барлық жерде тек Яндекс Таксиді қолданамын. Егер ол жабылса, басқа қосымшаларды қолдана алатыныма сенімді емеспін. Тек InDriver-ді ғана қолдануым мүмкін. Бірақ Яндекс әзірге барлық қауіпсіздік талаптарына сай, - деді ол.
Ал жолаушы Айдос Яндекс Таксиді қолданбайды, оның ойынша, такси компаниясы бағаны тым жоғары қояды.
– Мен InDriver-ді қолданамын, өйткені ол қарапайым әрі арзан. Uber де қымбат. Қала тұрғындарының шамамен 80 пайызы Яндексті пайдаланады. Егер ол жабылса, адамдар ескі тәсілмен жүре бастайды, - деп сендірді ол.
Жүргізушілер Яндекстегі орындары үшін күресуге дайын ба деген сұраққа ешкім нақты жауап бере алмады.
– Мен әділ бәсекелестікті қолдаймын. Егер сізге мұнда ұнамаса, әрдайым басқа компанияның қызметтерін қолдана аласыз. Біз еркін адамдармыз. Неліктен барлығы такси жүргізуге барады? Себебі олар жалақы алып, бағынышты болып жұмыс істегісі келмейді, - деді Әлібек.
Ал оның әріптесі Тілек, керісінше Яндекс Таксиде жұмыс істеу құқығын қорғамайтынын өте сенімді айтты.
– Мен Яндекс Таксиді қорғап қалу үшін ереуілге шықпайтыныма сенімдімін. Себебі бұл менің негізгі табыс көзім емес. Егер компания жабылса, мен ақша табудың басқа жолдарын іздеймін, - деді Тілек.
Сондай-ақ, компания үшін емес, жан рақаты үшін жұмыс істейтіндер де болды.
– Егер компания жабылса, басқа балама іздемеймін. Менің ай сайынғы негізгі табысым - 20 мың доллар. Мен Яндекс Таксиді қолданып, демалыс күндері қосымша ақша таба аламын, - деді мақтанышпен жүргізуші Артур.
Еске салсақ, Алматы қаласының мамандандырылған ауданаралық экономикалық сотының судьясы Айгүл Тұралиева «G-Tax» ЖШС патенттелген автокөлікке тапсырыс беру жүйесіне байланысты талап арызын ішінара қанағаттандырды. Компания Yandex.Go олардың эксклюзивті құқықтарын бұзды деп санайды. Судья Яндекс Такси қосымшаларына кіруге тыйым салу туралы шешім шығарды, бірақ әзірге такси паркі қалыпты режимде жұмыс істеп жатыр.
Авторы: Евгения Стегленко
Аударған: Айнура Дарибаева
Жаңалықтар
- Тоқаев Абай облысы тұрғындарының бастамасын қолдады
- «Ұлжан ісі» бойынша үкімді жариялау 26 сәуірге қалдырылды.
- Алматыда мотоцикл жүргізушісімен соқтығысқан полицей жазаланды
- 35 мың адамды қамтитын есірткі саудасының үш сайт анықталды
- ҚХА-дағы кадрлық өзгерістер: Тоқаев орынбасарларын ауыстырды
- Жылу маусымын бұзғаны үшін Шахтинск ЖЭО-ға 400 мың теңгеге жуық айыппұл салынды
- Теміртауда жылу беру маусымы бір айға шектетілуі мүмкін
- Қора-қопсыны қалпына келтіруге ресурсымыз жетпейді — Қанат Шарлапаев
- Тұрмыстағы зорлық-зомбылық құрбандары еңбек демалысын ала алады
- Қазақстандағы су тасқыны салдарына бөлінген 1 млрд теңге жымқырылған
- Қазақстанға жыл басынан бері 4351 қандасымыз оралған
- Павлодар облысында пайдаланылған ядролық отынды сақтап қалмақшы
- Назарбаевтың қарындасы айыпталды
- Алматы облысындағы табиғи өртті тікұшақпен сөндіруге шамамен 200 тонна су кетті
- Orbis Group су тасқынынан зардап шеккендерге бір миллиард теңге жібермек
- Олжас Бектенов G-Park рұқсатсыз құрылыс салып жатқанын айтты
- Президент тағы да жаңа заңға қол қойды
- Бишімбаев хабарласқан көріпкел әлі де сотта жауап береді
- Райымбек Баталов Бишімбаевтың сотында айтылған оқиғаға байланысты өз пікірін білдірді
- Ксения Собчак Қуандық Бишімбаевтың ісі бойынша сотқа қатысуы туралы пікір білдірді