Қазақстан мен Өзбекстан ынтымақтастығын дамытуға үлес қосушылар марапатталды

Тәуелсіздік күнінің қарсаңында Өзбекстанда ек ел арасындағы ынтымақтастықты кеңейтіп жүрген біраз азамат марапатталды. Бұл туралы 24.kz хабарлады.

Құрметке қоғам қайраткерлері, журналистер, ақын-жазушылар мен осы елдегі қазақ мәдени орталықтарының жетекшілері ие болды. Еліміздің Өзбекстандағы елшісі Абайдың 175-жылдығына арналған медальдар мен алғыс хаттарды табыстады.

Сонымен қатар, Дархан Сатыбалды жиналған қауымның алдында сөз сөйледі. Оның айтуынша, соңғы төрт жылда екі ел арасындағы ынтымақтастық тереңдей түскен. Қос тарап сауда-экономикалық, мәдени-гуманитарлық, туризм салаларында әріптестікті күшейтіп отыр.