«Қарашаға дейін үйлеріне кіреді». Сапарбаев уәдесінде тұрды ма?
Жамбыл облысы Байзақ ауданында болған жарылыстан бері екі айға жуық уақыт өтті. Аталған оқиғадан зардап шеккен үйлердің қазіргі халі не болып жатыр? Үйіне құрылыс жұмыстары жасалған тұрғындар суық күнде не істеп жатыр?
Orda.kz редакциясының тілшісі аталған сұрақтардың жауабын білу үшін жарылысқа жақын орналасқан Қайнар ауылына барып қайтты.
Жамбыл облысының әкімі Бердібек Сапарбаев редакция тілшісіне үйлердің барлығы 1 қарашаға дейін жөнделіп, тұрғындар баспанасына қадам басатынын айтқан. Әкімнің айтқан күні келіп жетті.
Қайнар - жарылыс кезінде көп шығынға ұшыраған әскери бөлімшеге ең жақын орналасқан ауыл. Қазір үйлердің барлығы жөнделіп, төбелері жабылған. Ауыл ішіне жаңа тас жол төселіп, электр бағаналары жаңартылған. Дегенмен, тұрғындар суық күнде жылуға қол жеткізе алмай отыр. Бұл ақпаратты жергілікті тұрғын, жарылыстан зардап шеккен әскери бөлімнің қызметкері Қарлығаш айтып берді.
– Жарылыстан кейін екі рет ота жасаттым, қазір үшіншісіне дайындалып жүрмін. Жарылыс кезінде басым жарылған болатын, оны тігіп берді. Екі құлағымның да пердесі жарылды, оған екі ота жасалды. Үшінші отаның жарылысқа қатысы жоқ, - дейді ол.
Қарлығаш тұрып жатқан үй анасының атында. Жарылыс кезінде шаңырағымен қоса мал ұстайтын қорасы да қираған. Оқиғадан кейін екі рет ота жасаған ол, қазір үшіншісіне дайындалып жүргенін, қора жөндеуге шамасы жоқтығын айтқан. Қораны қалпына келтіруге аудан әкімдігі жұмысшы бөлген екен.
– Далада жатқаннан гөрі үйде қабырға бар, жылы ғой деп кіріп алдық. Майда-шүйдесі ғана қалды. Үйде де жылу жоқ, жылытқышпен отырмыз, үйдің іші ылғал тартып тұр. Суды өзіміз кіргізіп алдық. Газ негізі кірген болатын, орны тұр, бірақ қазір жоқ. Бір-екі күнде келіп кіргізіп беретін шығар. Әкімшілік жіберген жұмысшылар мал қораны жөндеп жатыр. Біз соларға түскі астарын дайындап жатырмыз, - дейді бір ұл тәрбиелеп отырған ана.
Тілшімізге үйдің ішін көрсеткен тұрғын, үйге қажетті заттардың кейбірін өздері алып жатқанын айтты.
– Қазіргі сұрақ мына құрылысшылар қолданған жарықтың қаражатын кім төлейтінін білмей отырмыз. Мердігер компания бастығы басында жарық есептегішті суретке түсіріп кеткен болатын. Қазір өздерін де таппай қалдық. Терезелердің түрі мынау. Тұтқалары дұрыс істемейді. Кейбірі жарамсыз да болып қалды. Айта бергенде ыңғайсыз екен, жаман атты боламыз ба деп. Жасалғаннан кейін дұрыс және соңына дейін жасалсын деген ой ғой. Бастысы айтылған уәделерінде тұрды. Басшылардың бәріне алғыс айтамын, - дейді Қарлығаш.
Еске салайық, 2021 жылдың 26 тамызында Жамбыл облысы Байзақ ауданына қарасты инженерлік оқ-дәрілер қоймасында жарылыс болды. Аталға оқиғадан 17 адам қайтыс болып, бір әскери қызметкер іс-түзсіз жоғалып кетті.
Исламбек Дастан, Жамбыл облысы
Жаңалықтар
- Шымкентте есірткі сатушыдан 3,5 келі мефедрон табылды
- Маңғыстауда қатарластары 8 жасар мектеп оқушысын ұрып-соқты
- Шымкентте 22 адам белгісіз сұйықтықтан уланды
- БҚО-да су деңгейі көтеріліп, Атырау облысына қауіп төндіруі мүмкін
- RAMS QAZAQSTAN компаниясы су тасқынынан зардап шеккендерге 500 миллион теңге жіберді
- Ресей Қазақстан мұнайының Германияға транзитін тоқтату жайлы мәлімдеді
- Атырауда әкесі егіздерді зорлады деген күдікке ілінді
- Мемлекет басшысы блогерлерге ескерту жасады
- Мектептерде бірыңғай сынып сағаты өтеді
- «Alageum Electric» компаниялар тобы БҚО-ға көмек ретінде 1 млрд теңге бөледі
- Атырауда үйді өртеген қылмыскер өмір бойына бас бостандығынан айырылуы мүмкін
- Аида Балаева Маричеваның оқиғасы мен Ниязовтың репостына қатысты түсініктеме берді
- Қырғызстанның 3 өңірінде төтенше жағдай жарияланды
- Air Astana баспасөз қызметі ұшқыштың ұсталуына қатысты түсініктеме берді
- Әскери қызметкерлер 7 мамырға медальдармен марапатталады
- Қасым-Жомарт Тоқаев Қазақстан халқы Ассамблеясының ХХХІІІ сессиясы отырысын ашты
- «Мұны соңғы рет тыңдап отырмын деп үміттенемін» - Нүкенованың ағасы Бишімбаевтың дауысы бар бейнежазба жариялады
- Шымкентте ірі зауыт тоқтап, 350 адам жұмыссыз қалды
- Депутат нан бағасын 500 теңгеге дейін көтеруді ұсынды
- Автобус жүргізушісін соққыға жыққан жолаушыға 8 жыл бас бостандығынан айыру сұралды