Алматыда веложарысқа байланысты қозғалыс шектеледі

19 қазанда қалада әуесқойлар мен велоспорт ардагерлері арасында жыл сайын өтетін шосселік жарыс – Giro d’Almaty өтеді. Осыған байланысты Медеуге апаратын жолдың белгілі бір бөлігінде көлік қозғалысы уақытша шектеледі, деп хабарлайды Orda.kz   Almaty_Joly Telegram-арнасына сілтеп.

«19 қазанда Алматыда әуесқойлар мен велоспорт ардагерлері арасында жыл сайын өтетін шосселік веложарыс – Giro d’Almaty, Қазақстандағы әуесқой велоспорт күнтізбесіндегі ең беделді оқиғалардың бірі өтеді» деп жазылған хабарламада. 

Жарыс өтетін күні, сағат 08:00-ден 09:30-ға дейін, автокөлік қозғалысы Керей – Жәнібек хандар көшесінің батыс жағында, «Royal Tulip Almaty» қонақүйінен (Керей – Жәнібек хандар көшесі, 401/2) бастап Медеу биік таулы спорт кешеніне дейінгі аралықта уақытша шектеледі.

Аталған шектеулер жарысқа қатысушылардың қозғалысына қарай кезең-кезеңімен енгізілетіні атап өтілген.