Алматыда электросамокат мінген жасөспірімдер бала отырған арбаны қағып кетті

Алматыда екі жасөспірім ішінде  бала отырған бесікарбаны қағып кетті. Айыптылардың кім екені анықталды және олар айыппұл арқалады, деп хабарлайды Orda.kz.

Оқиға 31 тамыз күні Торайғыров пен Мұстафин көшелерінің қиылысында болған. Полицияның мәліметінше, самокатқа кәмелеттік жасқа толмаған екі жасөспірім бірге мінген. Қуанышқа орай, арбада отырған кішкентай бала ешқандай жарақат алмады.

«Біз болған оқиғаға қатты өкінеміз. Жол ережелерін бұзғандарды қатаң айыптаймыз. Жаяу жүргіншілерге жақындағанда жылдамдықты түсіру керек. Компания қауіпсіздік жүйесі бойынша жұмысты жалғастырады және жаяу жүргіншілерді қорғау үшін заңнамаға түзетулер бойынша ұсыныстар енгізеді», – деді JET компаниясының бас директоры Мусалав Әлибеков. 

Полицияның мәліметінше, айыпты жасөспірімдердің ата-аналары бала тәрбиесіндегі міндеттерін тиісінше орындамағаны үшін әкімшілік жауапкершілікке тартылды.