Алматыда қоғамдық көлікте жол жүру ақысы көтерілуі мүмкін. Бұл туралы брифингте қала әкімінің орынбасары Серік Құсайынов мәлімдеді.
Оның айтуынша, бүгінде Алматыда 151 қалалық бағыт бар. Оның тең жартысына «Алматыэлектротранс» коммуналдық көлік паркі қызмет көрсетеді. Маршруттардың қалған бөлігі 20 жеке компанияға берілді.
– Біз ертең тарифті көтереміз деп отырған жоқпыз. Біз мәселенің өзін айтып отырмыз. Тарифті көтеру керек. Қазір бұл 80 теңге тұрады. Өте шұғыл, өйткені маған тасымалдаушылар бірінші сұрақты «тарифті қашан көтереміз» деп қояды. Сондықтан тарифті көтеру міндет емес, біз қарастыратын қажеттілік. Жағдайға байланысты келесі көктемде бұл мәселеге қоғамдық талқылаулардан кейін келеміз деп ойлаймын. Біржақты өсім болмайды, – деді Құсайынов.
Ол бүгінге дейін қала әкімдігі тасымалдаушыларға төлейтін субсидиялар көтерілмегенін атап өтті.
– Осы жылдың басында біз төлейтін ақша көлемін көргенде назар аудардық. Бүгінде бұл жылына 40 миллиард теңгені құрайды. Алматыдағы тасымалдаушыларға бірқатар субсидиялар беріп жатырмыз. Сондықтан қала бюджеті мұндай көлемдегі ақшаны көтере алмайды, біз субсидиялауға мәжбүрміз деген сұрақ туындады, – деп қосты әкім орынбасары.
Құсайынов болжам бойынша әкімдік алдағы уақытта жылына 60-70 миллиард теңгеден астам субсидия төлеуі тиіс екенін айтты.
