Ақтау: Жаттықтырушы жас тәрбиеленушімен жыныстық қатынасқа түскені үшін сотталды

Ақтауда каратэ жаттықтырушысы сотталды. Оған кәмелетке толмаған тәрбиеленушімен оның еркінен тыс жыныстық қатынасқа түсті деген айып тағылып отыр. Бұл туралы Lada.kz хабарлады.

Іс Маңғыстаудың қылмыстық істер жөніндегі мамандандырылған ауданаралық сотында қаралды. Үкім 8 желтоқсанда шығарылды.

Сот ер адам каратэ-до жасөспірім жаттықтырушысы бола отырып, өзінің кәмелетке толмаған тәрбиеленушісінің сенімін пайдаланып, онымен оның еркіне қарсы бірнеше рет жыныстық қатынасқа түскенін анықтады.

Мемлекеттік айыптаушы сотталушыға 15 жыл бас бостандығынан айыруды сұрады.

Нәтижесінде, ұстаз 14 жылға бас бостандығынан айырылды. Үкім әлі заңды күшіне енбеді.