«4000 сарбаз, 66 ұшақ»: Қазақстан жеңіс шеруіне қалай дайындалды?

Қорғаныс министрлігі 7 мамырда Астанада өтетін жеңістің 80 жылдығына арналған шеруге қалай дайындық жүргізіп жатқанын мәлімдеді, деп хабарлайды Orda.kz.

Министрліктің мәліметіне қарасақ, шеруге қатысушылардың көбі елордаға келіп, жаттығуды бастап кеткен. Даладағы лагерьде 203 тұрғын үй шатыры, 11 шаруашылықты қамтамасыз ету пункті, 12 тұрмыстық қызмет көрсету шатыры, 7 монша кешені және далада госпиталь құрылып, техникаға арналған автопарк және жөндеу-қалпына келтіру пункттері ашылды. 

Еске салайық, бұған дейін жеңістің 80 жылдығына арналған шеруге 2,5 млрд теңге жұмсалатыны айтылды. 

Сонымен қатар, Orda.kz Ресей президенті Владимир Путин «Казахстанская правда» газетіне берген сұхбатында Қасым-Жомарт Тоқаев пен қазақстандық достарын жеңістің 80 жылдығына арналған мерекеге шақырғаны жайлы жазды. Ал Astana Think Tank форумының қорытынды отырысында Тоқаев «Ресейдің Украинадағы соғыста жеңілмейтінін» айтқан болатын.