Жошы туралы тарихи сериалдың түсіріліміне әлемдік актерлер қатысады

Келесі айда Қазақстанда «Алтын Орда» атты тарихи сериалдың түсірілімі басталады. Сериал Жошы ұлысының 800 жылдығына арналады, деп хабарлайды Orda.kz.

14 қаңтарда Ыстамбұлдағы Karga Seven Pictures кеңсесінде өткен шығармашылық топтың кездесуінде барлық алты эпизодтың соңғы сценарийлері бекітіліп, актерлік құрам анықталды. Сонымен қатар, дайындалған костюмдер, декорациялар мен реквизиттер таныстырылды.

Талқылауға Қазақстанның мемлекеттік кеңесшісі Ерлан Қарин, Cargo Seven Pictures компаниясының негізін қалаушы Эмре Сахин және Фикрет Маноглу қатысты.

Барлығы 350 актер бекітілді, оның ішінде 250 қазақстандық және 100 швед, бельгиялық, ағылшын, неміс, американдық және моңғол актерлері бар. Алда екінші пландағы рөлдерге тағы бір кастинг өтеді.

Алғашында түсірілімнің тек 40%-ы Қазақстанда өтеді деп жоспарланған еді. Алайда сериалдың бас продюсері және режиссері Эмре Сахин жергілікті локациялардың әртүрлілігіне шабыттанып, түсірілім процесін толықтай Қазақстанға ауыстыруға шешім қабылдады. Түсірілім 2025 жылдың ақпан айында басталады.

Сценарийді халықаралық команда әзірледі, оның құрамында «Викинги» сериалының авторы Джастин Поллард, «Король вне закона» сериалынан Клэр Мурсом және қазақстандық тарихшылар мен сарапшылар бар. Сценарийдің негізінде Жошы ұлысы, Алтын Орда тарихы және көшпелі халықтардың мәдениеті туралы ерекше материалдар қолданылды.