Қытайда криптовалютамен операция жасағандар қамалды

Қытай полициясы мыңнан астам адамды құрықтады. Олар қылмыстық әрекетпен келген ақшаны жылыстату үшін криптовалюта операцияларын қолданды деген күдікпен қамалды.

Қаражат көбінше телефон және интернет-алаяқтық арқылы келген. Барлығы 170 қылмыстық топ мүшелері ұсталды. 1,5-5 пайыздық комиссия үшін олар криптовалюта биржалары арқылы ақшаны цифрлық валютаға аударған.

9 маусымнан бастап Қытайдың Шыңжаң-Ұйғыр автономиялық округігің билігі  кеншілердің қызметін тоқтатуды талап еткен еді. Мамыр айында ҚХР билігі тау-кен өндірісі мен криптовалюта саудасымен күресу қажеттігінін айтып, саланы қатаң реттеуге шақырды.

Қытайда  BTC.TOP және HashCow криптовалюта өндіру компаниялары жұмысын тоқтатты. Huobi биржасы да цифрлық валютаны өндіруді тоқтата тұратындығын  жариялады.