Түркістанда көлік қағып кеткен оқушының жағдайы ауыр

cover Фото: Бейнеден кадр

Түркістанда оқушыны көлік қағып кетті. Полиция оқиғаға қатысты тергеп-тексеру шарасын жүргізіп жатыр, деп хабарлайды Orda.kz. 

Жол апаты С.Қожанов көшесінің бойында болған. Жолды жүгіріп кесіп өтпек болған баланы бір көлік тоқтап өткізгенімен, жылдамдықпен келе жатқан екінші көлік қағып кетті. 

Оқиға орнына жедел жәрдем шақырылып, бала дереу ауруханаға жеткізілді.

«Баланың алған жарақаттарына байланысты жағдайы ауыр. Емдеу іс-шаралары бекітілген хаттамаға сәйкес жүргізіліп жатыр»,  деп хабарлады Түркістан облыстық денсаулық сақтау басқармасы.

Облыстық полиция департаментінің дерегінше, оқушыны «Mercedes Benz» автокөлігінің жүргізушісі қаққан. Оқиғаға байланысты тергеу басталып, барлық мән-жайлар анықталып жатыр.

Айта кетейік, трансұлттық ұйымдасқан қылмыстық топқа қатысқан және заңсыз ойын бизнесін ұйымдастырған азамат Түркия Республикасынан экстрадицияланды.

Жаңалықтар

барлық жаңалықтар