Тұрғындарды «референдумға тіркеу» сылтауымен алдап жатыр

Қазақстанда азаматтарға қоңырау шалып, алдағы референдумға «бюллетень тіркеу» үшін SMS арқылы келген кодты айтуды сұрайтын алаяқтар пайда болды, деп ескертеді Orda.kz. 

Сондай-ақ мессенджерлерде «онлайн дауыс беруге қатысушыларды тіркеу жүргізіліп жатыр» деген жалған хабарламалар таралып жатыр.    

Дезинформациямен күрес жөніндегі орталық бұл ақпараттың алаяқтық екенін ескертеді.

Еске салсақ, Қазақстан Республикасы президентінің жанындағы Орталық коммуникациялар қызметінің құрылымында Дезинформациямен күрес жөніндегі орталық жұмыс істейді.

Орталық үнемі жалған ақпаратқа шолу жасап,  манипуляция кейстерін жариялайды, сондай-ақ резонансты ақпараттық тақырыптар бойынша сараптамалық түсіндірмелер береді. 

Ведомствоның хабарлауынша, референдум кезінде телефон арқылы қоңырау шалу, онлайн тіркеу немесе SMS кодтарын сұрау қарастырылмаған.

Дауыс беру тек сайлау учаскелерінде қағаз бюллетеньдер арқылы өтеді. Азаматтарға белгісіз адамдарға жеке деректерін бермеу және тек сайлау комиссияларының ресми ақпараттарына ғана сену ұсынылады.

Оқи отырыңыз: 

• Тоқаев: Әлемде соғыс қаупі күшейді, Қазақстан теңгерімді сыртқы саясат жүргізеді
• Алматыда бұрынғы полиция шенділеріне есірткі сатушыларға «қорған болды» деген айып тағылып, 12 адамға қатысты сот ісі басталды
• Ұлттық банк төрағасы Қазақстандағы инфляцияның үдеу қаупі туралы айтты