Щучинскідегі баланы айуандықпен өлтіру: полиция қамқоршыны ұстады

Ақмола облысының соты асырап алған балаларын азаптады деген күдікке ілінген Щучинск қаласының 29 жастағы тұрғынын қамауға алды, деп хабарлайды Orda.kz порталы.

Сәуірдің 16-сы күні аудандық ауруханаға жабық бассүйек-ми жарақаты мен миы шайқалған бес жасар бала жеткізілді. Баланың қамқоршысы, 29 жастағы әйел мен оның анасы бұны жазатайым оқиға деп түсіндірді, бірақ дәрігерлер  науқастың денесінен соққы белгілерін байқаған.

Кейінірек полицейлер бұдан да қорқынышты қылмыстың бетін ашты – соққыға жығылған баланың құжаттары төрт жыл бұрын қайтыс болған басқа баланікі болып шықты.

Полиция баланың қалай өлгенін анықтап жатыр. Сондай-ақ оның денесі бақшаға жасырылған. Қамқоршының 65 жастағы анасы кісі өлтірді деген күдікке ілінген. Отбасында бес бала бар, оларда кемістік бар.

Бүгін Қазақстан Республикасы Қылмыстық кодексінің 110-бабы («Азаптау») бойынша сотқа дейінгі тергеу жүріп жатқаны белгілі болды.

«Сот қамауға алу түріндегі бұлтартпау шарасын санкциялады» деп Ақмола облыстық полиция департаментінің баспасөз қызметі хабарлады. 

Баланың өлімі туралы төрт жылдан кейін ғана естіген Бурабай ауданы әкімдігі білім бөлімінің қорғаншылық және қамқоршылық органы қызметкерлеріне қатысты тағы да  қылмыстық іс қозғалды. Оқиғаның мән-жайын полиция анықтап жатыр.