Макс Боқаевқа үш жылға әкімшілік бақылау тағайындалды
22 қаңтарда Атыраудағы УГ-157/9 мекемесінде көшпелі сот өтті. Сот қамаудағы белсенді Макс Боқаевқа түрмеден шыққан соң әкімшілік бақылау тағайындау туралы Атырау облыстық қылмыстық атқару жүйесі департаменті өтінішін қанағаттандырды. Бұл туралы Макс Боқаевтың адвокаты Жанар Сүндетқалиева Азаттыққа хабарлаған.
Адвакаттың сөзінше, белсенді апелляциялық шағым түсіреміз депті. Сотта Макстың өзі «мен өзімді саяси тұтқынмын деп санаймын. Кінәлімін деп есептемеймін. Қоғамдық ұйымдар, халықаралық ұйымдар, мыңдаған адам ісімнің саясиланғанын біледі. Департаменттің өтініші де мені саяси көзқарасыма байланысты қудалап жатқанын дәлелдей түседі» дегенін жеткізді адвокат.
Бұған дейін соттың онлайн түрде өтетіні белгілі болды. Оған бақылаушылар мен ақпарат құралдары қатыса алатындығы да хабарланған. Бірақ кейінірек сот «интернет байланысы нашар» деп процесті түрменің өзінде өткізуді шешті. Сотқа бақылаушылар қатыса алған жоқ. Макс Боқаевтың жазасын өтеу уақыты 4 ақпанда аяқталады.
Макс Боқаев 2016 жылдан бері түрмеде отыр. Ол бес жыл бұрын Атырауда жерді шетелдіктерге жалға беруге қарсылық білдіргендердің арасында болған. Кейін бұл наразылық басқа өңірлерде жалғасып, билік жерді шетелдіктерге жалға беруге уақытша мораторий жариялаған.
Сол кездегі жер реформасына қарсы митингіге Макс Боқаев пен Талғат Аян қатысқан. Екеуі де бес жылға сотталды. Оларға «әлеуметтік араздық тудырды», «жалған ақпарат таратты» және «митинг өткізу заңдарын бұзды» деген айыптар тағылған.
2019 жылғы шілдеде Атырау қалалық соты Талғат Аянды өз өтінішімен жазадан толық босатты. Ал «қамаудан уақытынан бұрын шығуға сұранбайтынын, өзін толық ақтауды талап ететінін» мәлімдеген Макс Боқаев жазасын өтеуді жалғастырған болатын.
Жаңалықтар
- Президент вейп туралы заңға қол қойды
- Қазақстанның барлық әуежайларында жолаушылар бет-әлпет биометриясынан өтеді
- Ақтауда жаз бойы ыстық су өшіріледі
- Қазгидромет өрт маусымының басталатынын ескертті
- Бишімбаев ісін тергеуге ҚМДБ қосылды
- Су тасқыны кезінде суға кеткен көліктерге өтемақы төленеді
- Алматы көшелерінің бірінде екі айға көлік қозғалысы шектеледі
- Ақтауда бесінші қабаттан құлап кеткен қыз аман қалды
- Қазақстандағы орташа зейнетақы мөлшері аталды
- Қонаев қаласына жаңа әкім тағайындалды
- «Төртінші әйелі екенмін»: Мөлдір Әуелбекова жеке өмірі туралы шындықты айтты
- Әбіләзовтың компаниясына қатысы бар жер телімдері мемлекетке қайтарылды
- Айдын Бикебаев адвокаттарды қоғамдық талқылаудан аулақ болуға шақырды
- Түркістан облысында 2,2 миллиард теңгенің құрылымы ғайып болды
- Қазақстан Қырғызстанда электр станциясы мен ферроқорытпа зауытын салады
- Қазақстандық азамат 35 діни кітапты заңсыз әкелгені үшін айыппұл төледі
- Бишімбаев ісі: судьяға қорқыту салдарынан қылмыстық іс қозғалды
- Өзбекстан Қазақстан мұнайы импортын қысқартты
- Тоқаев пен Жапаров Қазақстан мен Қырғызстанның Жоғары мемлекетаралық кеңесі отырысына қатысты
- Атырау тұрғындары бөгет салу үшін аулаларын бұзуға рұқсат бермеді