Иран соғысты тоқтатудың 5 шартын атады

Иран АҚШ ұсыныстарын қабылдамай, келіссөздерден бас тартты. Сондай-ақ соғысты тоқтату үшін бес шарт аталды, деп хабарлайды Orda.kz ирандық presstv.ir телеарнасына сілтеме жасап. 

Иранның қойған бірінші шарты — қарсы тарап «агрессиясы мен террорын» толық тоқтатуы қажет. Кейін Иранға қарсы соғыс қайта басталмайтынына нақты кепілдік беретін механизмдер құрылуы шарт. 

Тегеран соғыс салдарынан келген шығындарды толық әрі ашық түрде өтеу және өтемақы төлеу міндетті екенін мәлімдеді. Сонымен қатар, аймақтағы барлық бағыттарда жоспарланған соғыс тоқтауы керек. 

Ең соңғы шарт, Ормуз бұғазы бойынша Иранның егемен басқару құқығын халықаралық деңгейде мойындау және оған кепілдік беру.

Телеарна мәліметінше, бұл шарт әлі де толықтырылады.

Айта кетейік, бұған дейін АҚШ және делдал елдер — Пәкістан, Мысыр мен Түркия  Иранмен жоғары деңгейдегі бейбіт келіссөздерді бүгін, 26 наурызда өткізу мүмкіндігін талқылап жатқаны мәлім болған. 

Оқи отырыңыз:

• Иран бойынша бейбіт келіссөздер 26 наурызда басталуы мүмкін
• Украина дрон шабуылынан кейін Ресейдің Усть-Луга портында өрт шықты