Ақтөбе облысында жөнделген жолдың біразы жарамсыз болып қалды

cover Фото: Envato

Ақтөбе облысында автомобиль жолдарын салу және жөндеу мониторингі барысында елеулі кемшіліктер анықталды, деп хабарлайды Orda.kz. 

Осы жылы бюджеттен шамамен 600 млн теңге бөлінген «Мәртөк – Дмитриевка – Байторысай – Полтавка» жолына орташа жөндеу жұмыстары жүргізілген. Бірақ құрылыс-монтаж жұмыстары аяқталғанға дейін 4 шақырым жол жарамсыз болып қалды.

Жобада айналма жол қарастырылмағаны анықталды. Нәтижесінде мердігер инертті материалды жаңа жол жамылғысы арқылы тасымалдаған. 

Сонымен қатар келісімшарт жасасу кезінде мердігер үшін 2 жылдық кепілдік міндеттемелердің орнына бір жыл ғана белгіленген.

«Талдау қорытындысы бойынша Ақтөбе облысының әкімдігі орташа жөндеудің кепілдік мерзімін қайта қарады, жол жабынын қалпына келтіру мәселесі бойынша мердігерге қатысты талап арыз берілді», делінген хабарламада.


Жаңалықтар

барлық жаңалықтар